成日講起天氣都會提到的高氣壓/低氣壓到底是咩黎???
首先要有幾個基本concept要知道~
地球表面係受太陽不平均的照射 (uneven heating)
熱空氣係會上升,冷空氣係會下沉
由地球自轉造成的Coriolis force係會令空氣在北半球向右90度偏轉,在南半球向左90度偏轉
一個高氣壓的中心壓力係比周圍區域高。當空氣下沉(subside)去到地面就會向外擴散(divergence)，再加上Coriolis force係會令空氣在北半球向右90度偏轉，所以在北半球的高氣壓是順時針方向運行的。
而點解成日話高氣壓係會帶來好天氣呢?
係因為下沉的空氣會有adiabatic process的發生，溫度上升，令原本可以成雲的水滴蒸發，少左雲的形成，就會有比較晴朗的天氣。
一個低氣壓的中心壓力係比周圍區域低。當空氣上升(ascend)地面就會有附近的空氣填補番原本的空間(convergence)，再加上Coriolis force係會令空氣在北半球向右90度偏轉，所以在北半球的低氣壓是逆時針方向運行的。
而點解成日話低氣壓係會帶來好壞天氣呢?
係因為大量上升的空氣再加上上升的空氣會變冷，就會造成好多好多雲，多雲就會多機會落雨之類。
另外成日會睇天文台提到的低壓槽(Trough of low pressure) 和高壓脊(Ridge of high pressure)，其實就係由低壓中心/高壓延伸出來的狹長區域。
而由兩個高氣壓和兩個低氣壓組成的中間區域就叫做鞍形氣壓場(col)。
(可以參考以下圖片)
