每副Engine 都有佢嘅power rating, 亦係engine 嘅極限~
Piston Engine induction(引擎入氣) 分3 種。 大部分general aviation (尤其是training aircraft) 都係用 Natural aspiration NA 自然吸氣；而NA都有分用 carburetor氣化器 同 fuel injection. 用唔同方法將燃油同相應比例嘅空氣帶入engine燃燒，俾power~~
通常high performance engine會用fuel injection. 而細power 會用carburetor. Carburetor 用venturi effect將燃油氣化，fuel/air mixture 再經intake manifold到cylinder.
Fuel injection 只係將適量嘅燃油直接於intake valve 前氣化；所以相對比較有效地維持最佳fuel/air mixture比例。
空氣同燃油係有合適比例。太多唔得；太小又唔得！best performance 大概 15份空氣：1份燃油 (depends on engine design).
但係當高度上升，氣壓同空氣密度降低。Engine performance就會下降！
所以NA engine最好performance就係喺Sea Level.
為左好d performance, 有d aircraft會用 Engine Augmentation.
Engine Augmentation大致有兩種。
Supercharger同turbo charger都係用inpeller(增壓器) 將空氣加壓，從而增大/回復engine performance.
當飛機上升，空氣稀薄，impeller可以將稀薄空氣加壓，維持engine Rated Power直至Critical Altitude. Critical altitude係 impeller到左極限；高空 空氣太稀薄；impeller 未能將更多空氣加壓維持到rated power.
Supercharger同Turbocharger有咩唔同？
最大分別係 Supercharger個impeller 嘅energy 係由engine 經 gear supply; 換言之， supercharger會增加engine output亦同時係engine嘅負擔。
而turbocharger用exhaust gas推動turbine; turbine推動intake impeller增壓。所以turbocharger可以consider free energy.