14. 為左飛 我可以去到幾盡

之前黑面chur 我通宵整機，好似好唔人道；但其實我係好鍾意半夜整機。因為半夜三更，全個機場都無人，係可以好專注咁做。有時會收鋪 番完餐館，再番hanger整，非常充實。有時隔離maintenance 有野幫手都會叫我去；因為佢地d 白人骨架大，有d 位佢地要搞幾個鐘，拆哂其他野先reach 到粒螺絲；但係我就無問題。

有似佢地有隻EA500 要換GCU(generater control unit), 而呢舊嘢係要捐入去整；佢地係一定要揾我搞，因為佢地根本捐唔到入去。

之前有講黑面俾左隻C150我飛，俾我build hour; 到後期我真係攞哂我所有錢入油，飛隻C150.

我target 要build夠500hr. 因為夠500hr先至reach 到最低要求，至有機會揾到工；所以我做左樣好瘋癲ge決定：退租。 我癲到攞埋份屋租入油。反正我平時都唔多番屋企。咁我就搬哂我d僅餘ge家當入hanger. 黑面就俾左個corner我擺；到夜晚就攞番張海棉床褥出黎訓地，而隔離maintenance 又肯借個沖涼房俾我。

之後試過窮到無哂錢，連開飯都成問題。我就去Costco 買一大盒麥皮(9.99USD) ，再過對面supermarket 買鮮奶(2USD) ；mix 埋 microwave 即食。12蚊食足一個星期。真係健康。

訓機場ge生活住左半年。嗰時我長期都喺機場hangout (除左番學同番餐館) . 咁其他hanger ge staff都好friendly; 知我係airport kid, 一有野要人幫手或者有機free ride 都會叫埋我。

嗰時其實唔覺辛苦。朝朝九點起身開鋪到五點；番餐館做waiter; 有時番黎再開hanger, 或者温陣書先訓。得閒再走去飛。 雖然嗰時ge生活係好窮，但係最開心。因為好充實同好productive.