License and Rating

早幾日,有個朋友問我做何謂FROZEN ATPL?點解有呢回事?

民航機師要咩牌？點解ATPL會分Frozen咁古怪？license同rating有咩分別？

咁我就慢慢講下~(事先聲明， 我係FAA底， 其他地方regulation可能有出入)

頭盔已帶就入正題。

首先，講下FAA牌有個最大ge優點: FAA嗰個唔係License. FAA issue Certificate.

License 會expire; Certificate係跟足你一世(unless revoke /俾人suspend)

考牌- 分 筆試knowledge test, 口試 Oral test 同 飛行試 Flight test.

同埋考之前,要satify 哂所有experience requirement.

通常都係由PPL (Private Pilot License) 考上去。

(我無考RPL Recreational Pilot所以我唔知lol)

PPL係私人牌。好似私家車牌咁，唔可以揾食. According to FAR Part 91, no private pilot may, for compensation or hire.

PPL 係limited to VMC Visual metrological condition. 睇到先飛到(唔入得雲~)

如果要入雲就要考IR instrument rating儀表飛行。

如果有志投身航空業, 打算以飛行為生活技能; 最小要儲夠250hr先可以考CPL Commercial Pilot License商用牌，先至有資格搵食.

考PPL minimum require 40hrs; average通常會大概60~70hrs考到; 既然之後目標係儲夠250hr 考CPL, 所以會recommend 學生 考完PPL, 學埋IR 再prepare CPL.

(當然，有d 地方會有CPL 先再考IR)

But Keep in mind; 考到CPL唔代表即刻有人會請！因為好難會有operater 信得過250hr CPL新手， 俾隻價值幾千萬飛機佢舞！

其實真正ge難題係點樣考到 CPL揾到第一份工。

通常見工bare minimum都係 CPL IR ME再睇Total hour. 所以，有D人會選擇攞埋CFI教書儲鐘。

Side track 遠左小小~

番正題~

有人會問, 我有CPL可以搵食,仲點解要考ATPL?

ATPL(Airline Transport Pilot License); 做Airline Captain (PIC) 就一定要有ATPL. 攞ATPL 有好多requirement 同test要考.

雖然有好多knowledge 同test, 但係夠努力都Do-able;但其中一個有requirement真係好難satisfy : Total time 1500hr.

所以有d Authority (EASA) 有Frozen ATPL; 意思係CPL holder 考哂所有ATPL ge test;唯獨未有1500Total Hour experience. 當佢儲夠1500hr, 就會grant 個ATPL.