Delivery Flight 你不得不知的二三事 - FDP

一路都諗左好耐呢個topic 應該從何說起, 為左可以最快手講到呢個topic 今次呢篇文會斬頭斬尾淨係講delivery flight 中間發生咩事 (D咩EXB呀留返比rostering或者cc 9upper去followup lol) Delivery Flight 一般來講要照顧嘅其實只有一種人就係機頭, 所以係planning 上面其實相對上叫做比較好Plan, 但當中會涉及到嘅野仍然都有好多, 呢到大致上會來個簡介only, 想知道詳細D嘅野可以問下rostering/cc 或者自己睇CAD371 lol 咁今日講嘅野主要就係圍繞住CAD371, 咩係CAD371呢? 呢份野可以話係CC同rostering 嘅聖經, 任何有關計duty同rest嘅野都要睇住呢本野做人 (題外話:熟讀呢本野會有助swap更成功) 首先講下FDP, FDP全名叫flight duty period 簡單講就

係機師/cabin crew 由duty start(即係reporting time) 到duty end 嘅時間 咁係delivery flight 嘅情況下會有D咩野要計呢? 其實要計嘅野好簡單, 就係點係slot 同FDP 中間攞到個平衡, 中間除左要諗機師唔可以比佢地訓太耐亦要有足夠時間比佢地休息。 上圖就係其中一個例子, 假設兩個機頭都係去到外地之後適應左個邊環境(英文叫Acclimatized) 咁當佢地report(呢到個report time set 左個半鐘)個時就可以用一張叫table "A" 嘅野去計個FDP 咁我地就可以睇佢最長個FDP可以去到幾多啦。由於呢班機去到第一個layover 嘅地方只有一個站, 所以可以用1 sector 去計, 而個MAX FDP 係14個鐘, 當然啦如果on plan 個FDP長過9個鐘咁就需要第三個機師出現(例如澳洲機)。 第一個sector飛完之後通常會onblock半個鐘之後consider做end of duty period, 開始計rest, 咁之後就會refer 返下面個table, 亦叫做table "B" 去睇到底可以比佢rest 幾多。一般來講除非第二日要飛兩個sector(例如A321嘅delivery)又或者天氣個forecast 好差, 否則的話一般其實好少會計得咁盡個rest period, 例如上面個例子, Schedule 1 同 2因為個rest fall within 18-30hrs preceding rest, 所以MAX FDP schedule 1只會得11:30, 而schedule 2 因為飛兩個sector 所以得11個鐘。Schedule 1因為on plan 個FDP 係9鐘05 (藍圈示), 所以仍然有一定程度上嘅buffer, 而係需要嘅時候commander discretion 仍然可以比多兩個鐘嘅FDP所以一般我地會consider 呢到已經夠Plan。但schedule 2 你會見到FDP 有11鐘45 (紅圈示), 咁可以點做呢?咁係呢個情況就會需要加到30鐘樓上rest 或者控制個rest 係18個鐘樓下等佢個MAX FDP 可以上返12個鐘, 詳情可以睇 corrected schedule 2 個綠圈圈 P.S. Table A 同 B 都有一大堆compliance note, 所以呢到假設所有rest requirement 都已經滿足左嘅 點Plan 呢個2nd 或者2/3rd sector 通常先係最考功夫, 因為香港比到嘅slot 一般都係大清早7點幾8點, 所以好多時就會要求D crew 係歐洲acclimatized左先唔係的話就好易會入左augment crew 個requirement。 當然, 如果係大機嘅話其實就只係當一般long range operation 做就得所以Plan 大機嘅delivery 其實就易好多, 不過細機都有細機好玩嘅地方嘅, 我自己就好想plan一次ATR返亞洲嘅trip lol 今次就講住咁多先, 唔明歡迎PM或者留comment lol