ATV 飛行日誌 之 Ferry Flight(一)

之前有日發白日夢,發夢做ferry flight~可能我真係太想飛,太想番工~日有所思,夜有所夢~ 個夢境係幾時同邊度就唔講la~為免類同太多,驚方丈小氣~

國家級任務: 運番隻機番香港 早幾個月隻機飛左去某地做C-check; 咁喺outstation做完check, 隻機喺時候歸隊;番香港~

就係咁,公司就俾左個國家級任務我. (可能方丈見我成日話無工番~就特別關照我~)

飛嗰part唔係大問題; 問題喺之前ge Preparation. 因為疫情問題, 好多機場都停左International flight. 而隻機身處ge 機場就係其中之一 .

所以我地要坐機去附近機場;再入境road trip 去隻機度!

問題就嚟la~ 入境要隔離14日.

咁我地就真係被隔離14日~

一落機,做完病毒驗測就直接送到隔離酒店(賓館).

好在環境都算ok~

呢14日,係足不出戶; 被困於房中. 門口寫明我邊日入住;幾時放監~

係ar~ 真係好係坐監咁~

一日三餐都被安排~ 每日5點半,早餐就會放喺門口; 送餐人通常都唔會俾你見到, 佢地驚我地有病毒; 一放低就走, 雞咁腳咁走~頭也不回~ 早餐通常會係一隻雞蛋,兩個牛利蘇加一盒牛奶, 有時會俾多個蘋果/蕉.

Lunch 就大概11點送到; 如果遲左起身,就會自動清走個早餐.

Lunch 同dinner 食ge都差不多; 4個餸加白飯. 嗰4個餸 送飯一流!

因為全都係油淋淋. 真係見到都唔開胃!

頭一日, 見到咁油淋淋; 諗住啃多個蘋果.

問酒店攞多個蘋果/牛奶, 點知原來所有食物都係配給制. 唯一可以要求 就只得 枝裝水. GG~ 真係好似 坐監!~

好在我出發之前都預知到可能有d 咁ge 事發生, 所以就滿箱食物去~勉強捱過14日.

食都算捱得過; 但係14日困係房, 真係悶到發癲!

我所有ge VPN 都唔Work~(連俾錢版ge NordVPN 都block 左~) OMG!!

每日只係得 食 同 訓~

頭幾日, 都覺得ok~難得浮生,半日閒~

但過左7日, 諗起仲有7日,就真diu 出聲~好L 悶ar~

個netflix download playlist 都唔知loop左幾多次~

終於,幾經辛苦捱左14日放監! 終於可以破地獄 放監la~

臨走check out都有個由頭包到腳ge staff 再次confirm 所有paperwork; 肯定我坐足14日監,先簽行街紙 放行~

下回,真係講飛ge野~

ATV 飛行日誌 之 Ferry Flight(二)

ECAM多到sim training~