ATR Fun Fact~Pagadian 與法國佬

有d 時間無出post~

分享下一個我非常難忘ge Flight.

以前ATR 有個法國佬Captain; 佢書本上ge knowledge好勁，office 好鍾意佢；但係...好多FO都唔鍾意同佢飛。

原因係飛ATR ge operation 好dynamic. 有好多時候係outside the book; 要隨機應變。

所以同佢去d VFR runways就要小心。

有次同佢6sectors BCD PAG TAC.

頭兩個sector都ok, 相安無事。Bacolod (BCD) 有ILS,輕鬆~~

嗰日cebu forecast 晏晝會temporary 有 Thunderstorm; 菲律賓d 'local' Thunderstorm都可以好勁！

Depart 去PAG 之前, 我提意攞多d油(in case之後番黎要holding~)；但係佢話flight plan有extra fuel; 又ecotanking...呢樣嗰樣。

ECOtanking=因為飛PAG, 去到無refueling. 所以要喺Cebu帶夠油.

由CEB到PAG; 再PAG到CEB; 再加CEB-ILO. technically 我地required 要攞3 sectors ge 油~

公司係超級LCC 佢驚攞多,公司會嘈~

咁好la~你話唔攞咪唔攞lor~

PAG 係VFR runway(當時),所以要maintain VFR at all time.

去到PAG,我覺得weather喺ok~絕對係VFR condition. 老遠都見到條runway; 只係upwind sector 有舊雲；captain話如果go around就會入雲 IMC; 所以我地去左hold, 等舊雲散開~

明明sky clear, 但request ATC for holding; 連ATC都黑人問號, request reason for holding. 我都唔識答。

當然我又唔話得佢錯~By the book佢啱；OM係要我地remain VMC at all time.

點知舊雲點都唔走~咁我地一直hold, hold到bingo fuel~明明見到runway 都divert, 番Cebu.

當PA 同PAX 講 因天氣差而divert 番Cebu, d frequent flyer 真係R哂頭~

你以為divert 番Cebu 就完？少年 你太年輕了~

Divert 番到Cebu 先至嚟料~

大大舊CB(cumulonimbus積雨雲) 吹緊去Cebu.

我地即刻request Straight in ILS 04. 希望可以快過d weather, land 到cebu; 當時ceiling同vis都仲係above minimum (legal to commence approach).

點知到10 mile final, 就見到個radar 又紅又紫; descent到 minimum; 根本大雨到睇唔到條runway.

唯有go around~ 當commenced go around, 入左個CB. Downdraft同turbulence好勁! 勁到連autopilot都搞唔掂 自動disengage。

(其實有windshear, 但係ATR 無Windshear warning)

法國佬唯有Hand fly; fight the weather. 勁struggle~

Struggle 左幾分鐘, 終於衝出左個CB~

嗰時得番唔夠10分鐘油hold到bingo fuel.

呢d 咁intense ge CB一般維持最小20~30分鐘.

我唯有攞alternate weather, suggest佢早d divert去ILO入油算la~唔好等到Bingo fuel先走。

到左第二個Alternate ILO, refuel 完就番Cebu.

就係咁,本身一個45分鐘簡簡單單ge Ceb-Pag, 變左CEB -PAG-CEB-ILO-CEB玩足兩個幾鐘， 又上又落；落面d客就真係慘，俾佢玩完兩個鐘之後, 都仲喺CEBU.

本來心諗，番到黎都遲左咁多la~我最尾嗰2 sector CEB-TAC應該mis-con, 公司揾人飛。點知公司話，"放心， 公司 planned delay班機等你地番！" 當時真係崩潰, 仲諗住可以抖下~

好在TAC ge weather都唔太差；佢話攰，俾我飛埋最尾2sectors. (最好係咁~)

玩完成日， 感覺好似飛左8sector咁~番黎,真係攰到頭痛！