6. 第一個牌 PPL

記得嗰日同屋企人講話想飛，俾人鬧到反艇。覺得我三分鐘熱度。屋企人只支持攞PPL之後試cadet.

要係咁做PT 幫補龐大ge training cost. 嗰時真係咩都做。 除左鴨 lol 清潔，掃街，咩都試過。

之前講到 揾左個癲佬教練學飛。 癲佬ge執行力真係唔講笑;俾佢係咁chur, chur左足成個月;日日唔係出去飛，就喱係flight school刨書。

就係咁，我就攞到我人生第一個牌。考完PPL黑面教練就鼓勵跟佢教IFR. 我話諗諗先。要問屋企人。 諗住興高彩烈咁同屋企人講 "媽我得左la! "之際 ; 就俾人成頭泠水照頭淋。話考完PPL牌唔會再燒錢支援我呢個高消費興趣。 是的，佢地只係覺得我唔生性，燒錢， 係興趣。 唯有同黑面say no la. 點知條友話， flight school有個香港人 同我差唔多stage, 打算學IFR. 如果一齊學會平好多。 我心諗，你條友仲唔係水我？！係 aviation 咁細ge field揾個香港人 仲要同我同stage wor. 買張lotto好似易中d. 點知人生就係咁， 真係俾我遇到我人生中第二貴人 爆炸頭。 (信我，條友真係爆炸頭)

就係咁，我ge窮L學飛生涯正式展開。