21. 伍毫子

之前講到 因為HR 漏左，無請我個sim partner, 所以我個training 拖長左；而財務部覺得有可疑，就hold左我個training allowance.

班office ge姐姐成鬼日話下星期就會有。下星期有佢條命。無糧出ge日子有6個月， 佢係直情等我完左training; 攞到第一份人工之後再補番俾我。我嗰時一直搣d saving; 由apartment搬到去人地ge天台屋；由坐的士到Jeepney同tricycle，節衣縮食。日日都係自己煮自己食。

我一直都唔想問人借錢(無謂未揾錢就周身債) ；更唔想同屋企人講，佢地一定會話我俾人呃，要我番香港；所以我唔去到絕境都唔會借。

(佢地到嗰一刻都係覺得我唔會pass; 仲係睇死我唔得！)

我好記得當日，係第三個月無糧出；嗰日買完餸，交完屋租之後，我得番3peso; 換番港幣得50cents五毫子。

我唔係d睇錢睇得好重ge人， 夠食夠住就ok; 但係面對呢個人生最最低記錄， 真係搞唔L掂。 我記得我望住嗰三個coins, 真係百感交集。 我搞咩做pilot 做到咁L陰公，咁折墮。嗰下真係懷疑人生。 都去到咁ge田地，我真係盡哂力，亦唔到我唔認命。最衰黑面同爆炸頭俾公司調左去Cebu base借唔到。

唯有call個唔太熟fd借錢；我同佢嗰時真係唔熟，但我真係無人可以求救。佢話可以借，但係收番d息咁lor. (之後計番，佢真係識做生意！收我18%息)

當時我得番3個coins, 都無得揀la. 佢叫我坐車去佢屋企攞； 但係我連坐三輪車ge錢都唔夠。lol 唯有要佢攞嚟我屋企俾我。

真係經典~

好在，之後我個sim partner終於搞掂。佢係一個5x 歲ge uncle(真係生得我出). 佢之前喺malaysia 飛twin otter. (原來佢飛左好多年，之後我find out 左我地ATR fleet 有幾個教官都係佢以前d FO.)

我個人係鍾意同d 新升 / 就退休ge Captain 飛，因為佢地無Ego. 個cockpit environment 好好；比較level ge Power gradient.

之後，我會講羅嘉良。一個麻煩Captain. Ego 大過天。